Беседа въ храме

О проектѣ
Новости
Афиша
Бесѣда въ храмѣ
Библiотека
Благотворительность
Церковная лавка
Ссылки


Электронная почта




.

Молитвы въ продолженіи дня.

Призыванiе помощи Духа Святаго на всякое доброе дѣло:

Царю Небесный, Утѣшителю, Душе истины, Иже вездѣ сый и вся исполняяй, Сокровище благихъ и жизни Подателю, пріиди и вселися въ ны, и очисти ны отъ всякія скверны, и спаси, Блаже, души наша.

Тропарь, гласъ 2-й:
Творче и создателю всяческихъ, Боже, дѣла рукъ нашихъ, къ славѣ Твоей начинаемая, твоимъ благословеніемъ спѣшно исправи, и насъ отъ всякаго зла избави, яко Единъ Всесиленъ и Человѣколюбецъ.

Кондак, гласъ 6-й:
Скорый въ заступленіе и крѣпкій въ помощь, предстани благодатію силы Твоея нынѣ, и благословивъ укрѣпи, и въ совершеніе намѣренія благаго дѣла рабовъ Твоихъ произведи: вся бо елика хощещи, яко сильный Богъ творити можеши.

Молитва:
Господи Іисусе Христе, Сыне Единородный Безначального Твоего Отца, Ты реклъ еси пречистыми усты Твоими: яко безъ Мене не можете творити ничесоже. Господи мой, Господи, вѣрою объемь въ души моей и сердцы Тобою реченная, припадаю Твоей благости: помози ми грѣшному сіе дѣло, мною начинаемо, о Тебѣ Самѣмъ совершити, во имя Отца и Сына и Святаго Духа. Аминь.

Или
Господи, благослови.

По окончаніи всякаго дѣла:
Слава Тебѣ, Господи.

Или
Исполненіе всѣхъ благихъ Ты еси, Христе мой, исполни радости и веселія душу мою и спаси мя, яко единъ многомилостивъ.

Предъ ученіемъ:
Царю Небесный, Утѣшителю, Душе истины, Иже вездѣ сый и вся исполняяй, Сокровище благихъ и жизни Подателю, пріиди и вселися въ ны, и очисти ны отъ всякія скверны, и спаси, Блаже, души наша.

Или
Преблагій Господи! низпосли намъ благодать Духа Твоего Святаго, дарствующаго и укрѣпляющаго душевныя нашя силы, дабы внимающе преподаваемому намъ ученію, возрасли мы Тебѣ нашему Создателю во славу, родителемъ же нашимъ на утѣшеніе, Церкви и Отечеству на пользу.

Послѣ ученія:
Достойно есть, яко воистину, блажити Тя Богородицу, присноблаженную и пренепорочную и Матерь Бога нашего. Честнѣйшую херувимъ и славнѣйшую безъ сравненія серафимъ, безъ истлѣнія Бога Слова рождшую, сущую Богородицу Тя величаемъ.

Или
Благодаримъ Тебе, Создателю, яко сподобилъ еси насъ благодати Твоея, во еже внимати ученію. Благослови нашихъ начальниковъ, родителей и учителей, ведущихъ насъ къ познанію блага, и подаждь намъ силу и крѣпость къ продолженію ученія сего.

Предь вкушенiемъ пищи:
Отче нашъ, Иже еси на небесѣхъ! да святится имя Твое, да пріидетъ Царствіе Твое: да будеть воля Твоя, яко на небеси, и на земли. Хлѣбъ нашь насущный даждь намъ днесь: и остави намъ долги нашя, якоже и мы оставляемъ должникомъ нашымъ: и не введи насъ во искушеніе, но избави насъ отъ лукаваго.

Или
Очи всѣхъ на Тя, Господи, уповаютъ, и Ты даеши имъ пищу во благовременiи, отверзаеши Ты щедрую руку Твою и испоняеши всякое животно благоволенiя.

Послѣ вкушенiя пищи:
Благодаримъ Тя, Христе Боже нашъ, яко насытилъ еси насъ земныхъ Твоихъ благъ: не лиши насъ и Небеснаго Твоего Царствія, но яко посредѣ учениковъ Твоихъ пришелъ еси Спасѣ, миръ даяй имъ, прiиди къ намъ и спаси насъ.



«Вернуться къ оглавленiю Молитвы на сонъ грядущимъ»

Молитвенная помощь
      Просимъ молитвъ нашихъ читателей о здравіи и спасенiи души іеромонаха Митрофана, іеромонаха Варѳоломея, протоіерея Владиміра, іерея Бориса, iерея Алексiя, рабовъ Божiихъ Виктора, Максима, Сергiя, Галины, Елены, Татiаны и всѣхъ Православныхъ Христiанъ.

  Авторъ проекта Викторъ Богучаровъ .

  © 2008–2010, «Бесѣда въ храмѣ» .