Беседа въ храме

О проектѣ
Новости
Афиша
Бесѣда въ храмѣ
Библiотека
Благотворительность
Церковная лавка
Ссылки


Электронная почта




.

Канонъ Ангелу Хранителю.


Молитвами святыхъ отецъ нашихъ, Господи Іисусе Христе Боже нашъ, помилуй насъ, аминь.
Слава Тебѣ, Боже нашъ, слава Тебѣ.

Царю небесный, Трисвятое, и по Отче нашъ: Господи, помилуй (12 разъ), Слава, и нынѣ: Пріидите, поклонимся: (Трижды), псаломъ 50-й. (1)

Тропарь, гласъ 6-й.
      Ангеле Божій, хранителю мой святый, животь мой соблюди во страсѣ Христа Бога: умь мой утверди во истиннѣмъ пути, и къ любви горнѣй уязви душу мою, да тобою направляемъ, получу оть Христа Бога велію милость.

Богородиченъ:
      Святая Владычице, Христа Бога нашего Мати, яко всѣхъ Творца недоумѣнно рождшая: моли благость Его всегда, со хранителемъ моимъ Ангеломъ, спасти душу мою, страстьми одержимую, и оставленіе грѣховъ даровати ми.

Канонь, глась 8-й, Пѣснь 1.
Ирмось: Поимъ Господеви, проведшему люди Своя сквозѣ Чермное море яко единь славно прославися.

Iисусу:(2) Господи Іисусе Христе Боже мой, помилуй мя.

      Пѣснь воспѣти, и восхвалити Спасе, Твоего раба достойно сподоби, безплотному Ангелу, наставнику и хранителю моему.

Припевъ: Святый Ангеле Божій, хранителю мой, моли Бога о мнѣ грѣшнѣмъ.

      Единь азъ въ неразуміи и въ лѣности нынѣ лежу, Наставниче мой и Хранителю, не остави мене погибающа.

Слава: Умъ мой твоею молитвою направи, творити ми Божія повелѣнія, да получу оть Бога отданіе грѣховъ, и ненавидѣти ми злыхъ настави мя, молюся ти.

И нынѣ: Молися, Дѣвице, о мнѣ, рабѣ Твоемъ, ко Благодателю, со хранителемъ моимъ Ангеломъ, и настави мя творити заповѣди Сына Твоего и Творца моего.

Пѣснь 3.
Ирмось: Ты еси утвержденіе притекающихъ къ Тебѣ, Господи, Ты еси свѣть омраченныхъ, и поеть Тя духъ мой.
      Все помышленіе мое, и душу мою къ тебѣ возложихъ, хранителю мой: ты оть всякія мя напасти вражія избави.
      Врагъ попираетъ мя и озлобляетъ, и поучаеть всегда творити своя хотѣнія: но ты, наставниче мой, не остави мене погибающа.

Слава: Пѣти пѣснь со благодареніемъ и усердіемъ Творцу и Богу даждь ми, и тебѣ благому Ангелу хранителю моему: избавитель мой, изми мя оть врагь озлобляющихъ мя.

И нынѣ: Исцѣли, Пречистая, моя многонедужныя струпы, яже въ души, прожени враги, иже присно борются со мною.

Сѣдаленъ, гласъ 2-й.
Отъ любве душевныя вопію ти, хранителю моея души, всесвятый мой Ангеле, покрый мя и соблюди оть лукаваго ловленія всегда, и къ жизни настави небеснѣй, вразумляя и просвѣщая и укрепляя мя.

Слава, и нынѣ: Богородиченъ:.
Богородице безневѣстная, Пречистая, Яже безъ сѣмене рождши всѣхъ Владыку, Того со Ангеломъ хранителемъ моимъ моли: избавитимися всякаго недоумѣнія, и дати умиленіе и свѣть души моей, и согрѣшеніемъ очищеніе, Яже едина вскорѣ заступающи.

Пѣснь 4.
Ирмось: Услышахъ, Господи, смотренія Твоего таинство, разумѣхъ дѣла Твоя, и прославихъ Твое Божество.
      Моли Человѣколюбца Бога ты, хранителю мой, и не остави мене: но присно въ мирѣ житіе мое соблюди, и подаждь ми спасеніе необоримое.
      Яко заступника и хранителя животу моему, пріемъ тя оть Бога,: Ангеле, молю тя, святый, отъ всякихъ мя бѣдъ свободи.

Слава: Мою скверность твоею святынею очисти, хранителю мой, и отъ части шуія да отлученъ буду молитвами Твоими, и причастникъ славы явлюся.

И нынѣ: Недоумѣніе предлежить ми оть обышедшихъ мя золъ, Пречистая, но избави мя отъ нихъ скоро: къ Тебѣ бо единѣй прибѣгохъ.

Пѣснь 5.
Ирмось: Утренююще вопіемъ Ти: Господи, спаси ны: Ты бо еси Богь нашь, развѣ Тебе иного не вѣмы.
      Яко имѣя дерзновеніе къ Богу, хранителю мой святый, Сего умоли, оть оскорбляющихъ мя золъ избавити.
      Свѣте свѣтлый, свѣтло просвѣти душу мою, наставниче мой и хранителю, оть Бога данный ми Ангеле.

Слава: Спяща мя злѣ тяготою грѣховною, яко бдяща сохрани, Ангеле Божій, и возстави мя на славословіе моленіемъ твоимъ.

И нынѣ: Маріе, Госпоже Богородице безневѣстная, надеждо вѣрныхъ, вражія возношенія низложи, а поющыя Тя возвесели.

Пѣснь 6.
Ирмось: Ризу мнѣ подаждь свѣтлу одѣяйся свѣтомъ яко ризою, многомилостиве Христе Боже нашъ.
      Всякихъ мя напастей свободи, и оть печалей спаси, молюся ти, святый Ангеле, данный ми оть Бога, хранителю мой добрый.
     Освѣти умъ мой, блаже, и просвѣти мя, молюся ти, святый Ангеле, и мыслити ми полезная всегда настави мя.

Слава: Устави сердце мое оть настоящаго мятежа, и бдѣти укрѣпи мя во благахъ, хранителю мой, и настави мя чудно къ тишинѣ животнѣй.

И нынѣ: Слово Божіе въ Тя вселися, Богородице, и человѣкомъ Тя показа небесную лѣствицу: Тобою бо къ намъ Вышній, сошелъ есть.

Кондакъ, гласъ 4-й.
Явися мнѣ милосердъ, святый Ангеле Господень, хранителю мой, и не отлучайся отъ мене сквернаго: но просвѣти мя свѣтомъ неприкосновеннымъ, и сотвори мя достойна Царствія Небеснаго.

Икосъ.
Уничиженную душу мою многами соблазны, ты, святый предстателю, неизреченныя славы небесныя сподоби, и пѣвецъ съ лики безплотныхъ силъ Божіихъ, помилуй мя и сохрани, и помыслы добрыми душу мою просвѣти, да твоею славою, Ангеле мой, обогащуся, и низложи зломыслящыя мнѣ враги, и сотвори мя достойна Царствія Небеснаго.

Пѣснь 7.
Ирмось: От Іудеи дошедше отроцы, въ Вавилонѣ иногда, вѣрою Троическою пламень пещный попраша, поюще: отцевъ Боже, благословенъ еси.
      Милостивъ буди ми, и умоли Бога, Господень Ангеле: имѣю бо тя заступника во всемъ животѣ моемъ, наставника же и хранителя, оть Бога дарованнаго ми во вѣки.
      Не остави въ путь шествующія души моея окаянныя убити разбойникомъ, святый Ангеле, яже ти отъ Бога предана бысть непорочнѣ, но настави ю на путь покаянія.

Слава: Всю посрамлену душу мою привожду отъ лукавыхъ ми помыслъ и дѣлъ, предвари, наставниче мой, и исцѣленіе ми подаждь благихъ помыслъ, уклоняти ми ся всегда на правыя стези.

И нынѣ: Премудрости исполни всѣхъ и крѣпости Божественныя, Ѵпостасная премудросте Вышняго, Богородицы ради, вѣрою вопіющихъ: отецъ нашихъ Боже, благословенъ еси.

Пѣснь 8.
Ирмось: Царя Небеснаго, Егоже поютъ вои Ангельстіи, хвалите и превозносите во вся вѣки.
      Отъ Бога посланный, утверди животь мой, раба твоего, преблагій Ангеле, и не остави мене во вѣки.
      Ангела суща тя блага, души моея наставника и хранителя, преблаженне, воспѣваю во вѣки.

Слава: Буди ми покровъ и забрало, въ день испытанія всѣхъ человѣкъ, въ оньже огнемъ искушаются дѣла благая же и злая.

И нынѣ: Буди ми помощница и тишина, Богородице Приснодѣво, рабу Твоему, и не остави мене лишена быти Твоего владычества.

Пѣснь 9.
Ирмось: Воистинну Богородицу Тя исповѣдуемъ, спасенніи Тобою, Дѣво Чистая, съ безплотными лики Тя величающе.

Iисусу:Помилуй мя, едине Спасе мой, яко милостивъ еси и милосердъ, и праведныхъ ликовъ сотвори мя причастника.
      Мыслити ми присно и творити, Господень Ангеле, благая и полезная даруй, яко сильна яви въ немощи и непорочна.

Слава: Яко имѣя дерзновеніе къ Царю Небесному, того моли и съ прочими безплотными, помиловати мя окаяннаго.

И нынѣ: Многое дерзновеніе имущи, Дѣво, къ Воплощшемуся изъ Тебе, преложи мя оть узъ, и разрѣшеніе ми подаждь и спасеніе молитвами Твоими.

Молитва по канонѣ:
      Ангеле Христовъ святый, къ тебѣ припадая молюся, хранителю мой святый, приданный мнѣ на соблюденіе души и тѣлу моему грѣшному отъ святаго крещенія. Азъ же своею лѣностію и своимъ злымъ обычаемъ прогнѣвахъ твою пречистую свѣтлость и отгнахъ тя отъ себе всѣми студными дѣлы: лжами, клеветами, завистію, осужденіемъ, презорствомъ, непокорствомъ, братоненавидѣнiемъ, и злопомнѣнiемъ, сребролюбіемъ, прелюбодѣяніемъ, яростію, скупостію, объяденіемъ безъ сытости и опивствомъ, многоглаголаніемъ, злыми помыслы и лукавыми, гордымъ обычаемъ и блуднымъ возбѣшенiемъ, имый самохотѣнiе на всякое плотское вожделѣніе. О, злое мое произволеніе, егоже и скоти безсловеснiи не творятъ! Да како возможеши воззрѣти на мя, или приступити ко мнѣ, аки псу смердящему? Которыма очима, ангеле Христовъ, воззриши на мя, оплетшася злѣ во гнусныхъ дѣлѣхъ? Да како уже возмогу отпущенія просити горькимъ и злымъ моимъ и лукавымъ дѣяніемъ, въ няже впадаю по вся дни и нощи и на всякъ часъ? Но молюся ти припадая, хранителю мой святый, умилосердися на мя грѣшнаго и недостойнаго раба твоего (имярекъ), буди ми помощникъ и заступникъ на злаго моего сопротивника, святыми твоими молитвами, и Царствія Божія причастника мя сотвори со всѣми святыми, всѣгда, и нынѣ и присно и во вѣки вѣковъ. Аминь.

Молитва иная:
      О святый Ангеле, хранителю и покровителю мой благiй! Съ сокрушеннымъ сердцемъ и болѣзненною душею предстою ти, моляся: услыши мя грѣшнаго раба своего (имярекъ), съ воплемъ крѣпкимъ и плачемъ горькимъ вопiющаго: не помяни моихъ беззаконiй и неправдъ, имиже азъ окаянный прогнѣвляю тя по вся дни и часы, и мерзостна себе творю предъ Создателемъ нашимъ Господемъ; явися мнѣ милосердъ и не отлучайся мене, сквернаго, даже до кончины моея; возбуди мя отъ сна грѣховнаго и пособствуй твоими молитвами прочее время живота моего безъ порока прейти и сотворити плоды достойны покаянія, паче же отъ смертныхъ паденій грѣховныхъ соблюди мя, да не погибну во отчаяніи, и да не порадуется врагъ о погибели моей.
      Вѣмъ воистинну и усты исповѣдую, яко никтоже таковъ другъ и предстатель, защититель и поборникъ, якоже ты, святый Ангеле: предстоя бо Престолу Господню, молишися о мнѣ, непотребнѣмъ и паче всѣхъ грѣшнѣйшемъ, да не изыметъ Преблагiй души моея въ день нечаянiя моего и въ день творенія злобы. Не престай убо умилостивляя Премилосердаго Господа и Бога моего, да отпуститъ согрѣшенія моя, яже сотворихъ во всѣмъ житіи моемъ, дѣломъ, словомъ и всѣми моими чувствы, и имиже вѣсть судьбами, да спасетъ мя, да накажетъ мя здѣ по неизреченнѣй милости Своей, но да не обличитъ и не истяжетъ мя онамо по нелицепріятному правосудію Своему; да сподобитъ мя покаяніе принести, съ покаяніемъ же Божественное Причащеніе достойнѣ прiяти, о семъ паче молю и таковаго дара всеусердно желаю.
      Въ страшный же часъ смерти неотступенъ буди ми, благій хранителю мой, прогоняя мрачныя демоны, имущія устрашити претрепетную душу мою; защити мя отъ тѣхъ ловленiя, егда имамъ преходити воздушныя мытарства, да, хранимъ тобою, безбѣдно достигну рая, ми вожделѣннаго, идѣже лицы святыхъ и горнихъ Силъ непрестанно восхваляютъ всечестное и великолѣпое имя въ Троицѣ славимаго Бога, Отца, и Сына и Святаго Духа, Ему же подобаетъ честь и поклоненіе во вѣки вѣковъ. Аминь.


Достойно есть яко воистину блажити Тя Богородицу, Присноблаженную и Пренепорочную и Матерь Бога нашего. Честнѣйшую Херувимъ и Cлавнѣйшую безъ сравненія Серафимъ, безъ истлѣнія Бога Слова рождшую, сущую Богородицу Тя величаемъ.
Слава, и нынѣ: Господи, помилуй. (Трижды)
Господи, Іисусе Христе, Сыне Божій, молитвъ ради Пречистыя Твоея Матере, преподобныхъ и богоносныхъ отецъ нашихъ и всѣхъ святыхъ помилуй насъ. Аминь. (3)

–––––––––––––––––––––––
(1) Молитвы, читаемыя передъ канономъ или акаѳистомъ. Въ концѣ вступительныхъ молитвъ, послѣ 50-го псалма можно также прочитать Сvмволъ Вѣры.
(2) Тропарь Іисусу Христу только въ первой и девятой пѣсняхъ канона.
(3) Молитвы, читаемыя по окончаніи каноновъ или акаѳистовъ.



«Вернуться къ оглавленiю Акаѳистъ Сладчайшему Господу нашему Іисусу Христу.»

Молитвенная помощь
      Просимъ молитвъ нашихъ читателей о здравіи и спасении души іеромонаха Митрофана, іеромонаха Варѳоломея, протоіерея Владиміра, іерея Бориса, iерея Алексѣя, рабовъ Божiихъ Виктора, Максима, Сергия, Галины, Елены, Татианы и всехъ Православныхъ Христианъ.

  Авторъ проекта Викторъ Богучаровъ .

  © 2008–2010, «Бесѣда въ храмѣ» .