Беседа въ храме

О проектѣ
Новости
Афиша
Бесѣда въ храмѣ
Библiотека
Благотворительность
Церковная лавка
Ссылки


Электронная почта




.

Часы Святыя Пасхи (1)



Тропарь Пасхи, гласъ 5-й
Христосъ воскресе изъ мертвыхъ, смертію смерть поправъ, и сущимъ во гробѣхъ животъ даровавъ. (Трижды)

Воскресная пѣснь, гласъ 6-й
Воскресеніе Христово видѣвше, поклонимся святому Господу Іисусу, Единому безгрѣшному. Кресту Твоему покланяемся, Христе, и святое воскресеніе Твое поемъ и славимъ: Ты бо еси Богъ нашъ, развѣ Тебе иного не знаемъ, имя Твое именуемъ. Пріидите вси вѣрнiи, поклонимся святому Христову воскресенію: се бо прiиде Крестомъ радость всему миру. Всегда благословяще Господа, поемъ воскресеніе Его: распятіе бо претертерпѣвъ, смертію смерть разруши. (Трижды)

Vпакои, гласъ 8-й
Предварившія утро яже о Маріи, и обрѣтшія камень отваленъ отъ гроба, слышаху отъ ангела: во свѣтѣ присносущнѣмъ Сущаго, съ мертвыми что ищете яко человѣка? Видите гробныя пелены, тецыте и міру проповѣдите, яко воста Господь, умертвивый смерть, яко есть Сынъ Бога, спасающаго родъ человѣческій.

Кондакъ, гласъ 8-й
Аще и во гробъ снизшелъ еси, Безсмертне, но адову разрушилъ еси силу, и воскреслъ еси яко побѣдитель, Христе Боже, женамъ мvроносицамъ вѣщавый: радуйтеся, и Твоимъ апостоломъ миръ даруяй, падшимъ подаяй воскресеніе.

Тропари, гласъ 8-й
Во гробѣ плотски, во адѣ же съ душею яко Богъ, въ раи же съ разбойникомъ, и на престолѣ былъ еси, Христе, со Отцемъ и Духомъ, вся исполняяй, Неописанный.

Слава Отцу и Сыну и Святому Духу.

Яко живоносецъ, яко рая краснѣйшiй, воистинну и чертога всякаго царскаго показася свѣтлѣйшій, Христе, гробъ Твой, источникъ нашего воскресенія.

И нынѣ и присно и во вѣки вѣковъ. Аминь.
Вышняго освященное Божественное селеніе, радуйся: Тобою бо дадеся радость, Богородице, зовущимъ: благословенна Ты въ женахъ еси, всенепорочная Владычице.

Господи, помилуй. (40 разъ).

Слава Отцу и Сыну и Святому Духу, и нынѣ и присно и во вѣки вѣковъ. Аминь.

Тропарь Пасхи, гласъ 5-й
Христосъ воскресе изъ мертвыхъ, смертію смерть поправъ, и сущимъ во гробѣхъ животъ даровавъ. (Трижды)

–––––––––––––––––––––––

Примѣчанія
(1) Это послѣдованіе читается во всю Свѣтлую седмицу вмѣсто повечерія и полунощницы, а также вмѣсто утреннихъ и вечернихъ молитвъ.



«Вернуться къ оглавленiю Канонъ покаяный ко Господу нашему Іисусу Христу»

Молитвенная помощь
      Просимъ молитвъ нашихъ читателей о здравіи и спасении души іеромонаха Митрофана, іеромонаха Варѳоломея, протоіерея Владиміра, іерея Бориса, iерея Алексѣя, рабовъ Божiихъ Виктора, Максима, Сергия, Галины, Елены, Татианы и всехъ Православныхъ Христианъ.

  Авторъ проекта Викторъ Богучаровъ .

  © 2008–2010, «Бесѣда въ храмѣ» .